Նոր ուսումնական տարին հաճելի անակնկալներով սկսվեց հանրապետության 2-4-րդ դասարանների ավելի

Արդեն երկար տարիներ ՖԻՆՔԱ–ի մասնաճյուղերը գործում են Հայաստանի մարզերում: Այս փորձություններով, հաղթանակներով և դժվարություններով լի տարիների ընթացքում ՖԻՆՔԱ–ն ունեցել է իր կայուն տեղն ու դերը համայնքային կյանքում, նպաստել զարգացմանը և համայնքի բնակիչների կյանքի որակի բարձրացմանը, չէ՞ որ պարզապես ֆինանսավորումից զատ մենք տրամադրում ենք մեր հաճախորդներին մտքեր, գաղափարներ, օգնություն, խնամք, պատասխանատվություն և հույս: Այս ամենը, անշուշտ, հավելյալ արժեք է հաղորդում մեր բուն գործունեությանը:

Սեպտեմբերի մեկին առաջին անգամ դպրոց մտնելիս առաջին դասարանցիները չէին էլ կարող պատկերացնել, թե ինչպիսի անակնկալ էր իրենց սպասվում: Դեռևս անցյալ տարի էր, երբ ՖԻՆՔԱ-ն իր «Անհոգ մանկություն» նախագծի շրջանակում իր լոգոյով և գույներով դպրոցական պայուսակներ նվիրեց ավելի քան 2000 առաջին դասարանցիների, իսկ այս տարի ՖԻՆՔԱ-ի անակնկալն էլ ավելի անսպասելի էր: Շուրջ 2500 «ՖԻՆՔԱ» անձրևային բաճկոններն ուսումնական տարվա մեկնարկը տոնական և գունեղ դարձրեցին Հայաստանի ավելի քան 100 դպրոցների առաջին դասարանցիների համար: Այսուհետ ՖԻՆՔԱ-ն խորհրդանշող այս վառ բաճկոնները պայծառ տրամադրություն կապահովեն երեխաների համար անգամ ամպամած և մռայլ եղանակին:

Երեխաները մշտապես ՖԻՆՔԱ-ի ուշադրության կենտրոնում են, քանի որ երեխաներն են մեր երկրի ապագան: Արդեն 5 տարի է, ինչ ՖԻՆՔԱ-ն իր կորպորատիվ սոցիալական պատասխանատվության ծրագրերի շրջանակում իրականացնում է իր «Անհոգ մանկություն» նախագիծը և բազմաթիվ գեղեցիկ անակնկալների միջոցով փորձում գունավորել Հայաստանի տարբեր անկյուններում բնակվող երեխաների մանկությունը:

Սեպտեմբերի 1-ին ՖԻՆՔԱ–ի աշխատակիցները շնորհավորեցին Հայաստանի Հանրապետության տարբեր մարզերի մոտ 260 դպրոցների 13 000 դպրոցականների, ինչպես նաև այցելեցին տարբեր հատուկ հանրակրթական ուսումնական հաստատություններ իրենց հոգու ջերմությունը փոխանցելու նրանց`նվիրելով գրենական պիտույքներ՝ նկարազարդ տետրեր, նկարչական ալբոմներ և այլն: