ՖԻՆՔԱ-ն համայնքում

ՖԻՆՔԱ-ն համայնքում2019-05-07T12:18:12+04:00

Պատասխանատու միկրովարկավորումը մեր գործունեության հիմնաքարն է:

Մեր կազմակերպության նպատակներն ու գործունեությունն ուղղված են աշխատատեղերի ստեղծմանը երկրի բոլոր մարզերում, որոնք Խորհրդային Միության փլուզումից ի վեր գոյատևման խնդրի առաջ էին կանգնել:

Մեր ընկերության աճը և հաջողությունները արդյունք են ամբողջ թիմի քրտնաջան աշխատանքի և համառության: Կազմակերպությունը հավատարիմ է մնում իր բարոյական նպատակներին, էթիկայի չափանիշներին` լինելով հրապարակային և սոցիալապես պատասխանատու:

Կորպորատիվ սոցիալական պատասխանատվությունն ունի շատ ձևակերպումներ և դրսևորվում է տարբեր ձևերով: Կազմակերպություններն իրենց բիզնես գործունեության և հիմնական ռազմավարության մեջ ներառում են բարեգործություն, բնապահպանական, սոցիալական և մարդկային իրավունքների խնդիրներին արագ արձագանքում` ցույց տալով իրենց հետաքրքրությունն ու մասնակցությունը շահագրգիռ կողմերին, որոնք նպատակ ունեն նվազեցնելու բացասական ազդեցությունը շրջապատի վրա:

Մեր կատարած բարեգործությունների զգալի մասը երեխաների հետ է կապված. մենք աշխատում ենք դպրոցների հետ` միասին տոնելով «Երեխաների պաշտպանության օրը» և «Կրթության և գիտության օրը»:

Ավելին, մենք հետևում ենք կորպորատիվ սոցիալական պատասխանատվության կանոններին. չենք մատուցում ֆինանսական ծառայութուններ կամ չենք տրամադրում վարկեր այն անձանց և կազմակերպություններին, որոնք իրենցից վտանգ են ներկայացնում հասարակության կամ բնության համար, այն կազմակերպություններին, որոնց գործունեությունը առնչվում է վնասակար նյութերի, զենքի, ծխախոտի, ապօրինի դեղագործություն, թունաքիմիկատների, օզոնային շերտին սպառնացող նյութերի հետ, և վտանգ են ներկայացնում այն կենդանիների տեսակների կամ ապրանքների համար, որոնք տեղ են գտնում Առևտրային միջազգային կոմիտեի վտանգված տեսակներում:

Այս ռազմավարությունը ցույց է տալիս կազմակերպության կորպորատիվ բնույթը` թելադրելով նորմեր և նպաստելով հասարակության բարձր կենսագործունեությանը:

Կորպորատիվ սոցիալական պատասխանատվությունը չի պատրաստվում միանգամայն լուծել բոլոր խնդիրները, որոնք այսօր առկա են աշխարհում: Այնուամենայնիվ, ընկերությունները մեծ դեր ունեն սոցիալական պատասխանատվության հարցում` զբաղվելով վտանգի վերահսկմամբ և հաճախորդների բարոյականության բարձրացմամբ: Նրանք ունեն գերիշխող սոցիալական մի դեր, որն ավելին է, քան բիզնեսի ավանդական տնտեսական դերը:

ՖԻՆՔԱ-ն համայնքում

դիտել բոլորը
2111, 2017

ՖԻՆՔԱ–ն աջակցում է իր հաճախորդներին բոլոր հարցերում

21 Նոյեմբեր, 2017|

Հաճախորդը մոտենում է մասնաճյուղ, ներկայացնում բոլոր անհրաժեշտ փաստաթղթերը և ստանում ֆինանսավորում, այնուհետև պարտաճանաչ կերպով կատարում է իր ամսական մարումները: Կարծես թե, վարկ տրամադրող կազմակերպության աշխատանքը այստեղ ավարտվում է: Գուցե… Բայց ոչ ՖԻՆՔԱ–ի համար:

211, 2017

Մենք դարձել ենք ընկերներ

2 Նոյեմբեր, 2017|

Արդեն երկար տարիներ ՖԻՆՔԱ–ի մասնաճյուղերը գործում են Հայաստանի մարզերում: Այս փորձություններով, հաղթանակներով և դժվարություններով լի տարիների ընթացքում ՖԻՆՔԱ–ն ունեցել է իր կայուն տեղն ու դերը համայնքային կյանքում, նպաստել զարգացմանը և համայնքի բնակիչների կյանքի որակի բարձրացմանը, չէ՞ որ պարզապես ֆինանսավորումից զատ մենք տրամադրում ենք մեր հաճախորդներին մտքեր, գաղափարներ, օգնություն, խնամք, պատասխանատվություն և հույս: Այս ամենը, անշուշտ, հավելյալ արժեք է հաղորդում մեր բուն գործունեությանը:

2309, 2016

ՖԻՆՔԱ-ն տոնեց անկախության 25-ամյակը առաջին դասարանցիների հետ

23 Սեպտեմբեր, 2016|

ՖԻՆՔԱ-ի «Անհոգ մանկություն» սոցիալական նախագիծը շարունակական բնույթ ունի: Նախագծի շրջանակում ամեն տարի ՖԻՆՔԱ-ն հանդես է գալիս նոր ու հետաքրքիր նախաձեռնություններով, որոնք ավելի լուսավոր են դարձնում Հայաստանի տարբեր անկյուններում բնակվող երեխաների առօրյան, ջերմություն ու հոգատարություն են փոխանցում նրանց և նրանց մանկության վառ հիշողություններին ավելացնում ևս մեկը: Ամեն տարի ՖԻՆՔԱ-ն յուրովի է նշում սեպտեմբերի 1-ը` Գիտելիքի, գրի և դպրության օրը: Այս տարին յուրահատուկ էր, քանի որ ՖԻՆՔԱ-ն սեպտեմբեր ամսին առաջին դասարանցիների հետ նշելու միանգամից երկու առիթ ուներ` առաջին մուտքը դպրոց և Հայաստանի Հանրապետության անկախության 25-րդ տարեդարձը:

209, 2015

Ուսումնական տարվա հաճելի մեկնարկը` ՖԻՆՔԱ-ի հետ

2 Սեպտեմբեր, 2015|

Սեպտեմբերի մեկին առաջին անգամ դպրոց մտնելիս առաջին դասարանցիները չէին էլ կարող պատկերացնել, թե ինչպիսի անակնկալ էր իրենց սպասվում: Դեռևս անցյալ տարի էր, երբ ՖԻՆՔԱ-ն իր «Անհոգ մանկություն» նախագծի շրջանակում իր լոգոյով և գույներով դպրոցական պայուսակներ նվիրեց ավելի քան 2000 առաջին դասարանցիների, իսկ այս տարի ՖԻՆՔԱ-ի անակնկալն էլ ավելի անսպասելի էր: Շուրջ 2500 «ՖԻՆՔԱ» անձրևային բաճկոններն ուսումնական տարվա մեկնարկը տոնական և գունեղ դարձրեցին Հայաստանի ավելի քան 100 դպրոցների առաջին դասարանցիների համար: Այսուհետ ՖԻՆՔԱ-ն խորհրդանշող այս վառ բաճկոնները պայծառ տրամադրություն կապահովեն երեխաների համար անգամ ամպամած և մռայլ եղանակին:

+374 (012) 55-55-55