Աուդիտոր

ԱՇԽԱՏԱՆՔԻ ԸՆԴՀԱՆՈՒՐ ՆԿԱՐԱԳԻՐԸ՝

Մեր պրոֆեսիոնալ թիմը համալրելու նպատակով փնտրում ենք Ներքին աուդիտի մասնագետի, ով կազմակերպության համար կստեղծի արժեք և կցուցաբերի համակարգված մոտեցում ռիսկերի կառավարման արդյունավետության բարելավման գործընթացներում: Հաջողակ թեկնածուն պետք է ունենա հաշվապահական հաշվառման ընթացակարգերի վերաբերյալ հիմնավոր գիտելիքներ և առողջ դատողություն։ Վերջինս պատասխանատու է լինելու աուդիտի ամբողջական ցիկլի իրագործման համար, ներառյալ ռիսկերի կառավարում և գործընթացների արդյունավետության, ֆինանսական հուսալիության, գործող բոլոր կանոնակարգերի համապատասխանության վերահսկում։ Վերոնշյալ գործընթացների իրականացման ընթացքում նա պետք է կարողանա ձեռքբերել, վերլուծել և գնահատել ֆինանսական փաստաթղթերը, հաշվետվությունները, տվյալները՝ բացերը հայտնաբերելու, ռիսկերը զսպելու և ծախսերը կրճատելու մեխանիզմներ առաջարկելու նպատակով՝ աուդիտի արդյունքները և փաստաթղթային գործընթացը արտացոլող հաշվետվությունների պատրաստմամբ և ներկայացմամբ։

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐԸ՝

• Բիզնես գործընթացների ուսումնասիրություն,
• Ֆինանսական և հաշվապահական հաշվետվությունների ուսումնասիրություն և վերջիններիս ամբողջականության, արդիականության, հուսալիության և օբյեկտիվության գնահատում,
• Ներքին կառավարման համակարգի գնահատում,
• Կազմակերպությունում ընթացող գործընթացների՝ գործող կանոնակարգերին, քաղաքականություններին և ընթացակարգերին համապատասխանության գնահատում,
• Գործառնական ռիսկերի բացահայտում և վերջիններս զսպող մեխանիզմների ներկայացում,
• Հայտնաբերված խախտումների և բացթողումների նվազեցմանն ու կանխարգելմանն ուղղված առաջարկների ներկայացում,
• Հայտնաբերված խախտումների և բացթողումների վերացմանն ու կանխարգելմանն ուղղված միջոցառումների արդյունավետության գնահատում,
• Աուդիտորական հաշվետվությունների նախագծերի պատրաստում և ներկայացում՝ հայտնաբերված դեպքերի վերաբերյալ դիտարկումներով և առաջարկություններով։

ՀԻՄՆԱԿԱՆ ՊԱՀԱՆՋՆԵՐԸ`

• Աուդիտորական, ֆինանսական, հաշվապահական, տնտեսագիտական կամ հարակից այլ ոլորտներում բարձրագույն կրթություն,
• Առնվազն 2 տարվա համապատասխան աշխատանքային փորձ,
• Անգլերենի գրավոր և բանավոր հաղորդակցման գերազանց հմտություններ,
• CIA, ACCA կամ այլ նմանատիպ միջազգային որակավորման առկայությունը խիստ ցանկալի է, իսկ բացակայության պարագայում՝ այն ձեռք բերելու ցանկություն,
• Ներքին աուդիտի միջազգային ստանդարտների և էթիկայի կանոններին իմացություն,
• Հաշվապահական հաշվառման ոլորտի վերաբերյալ բավարար գիտելիքներ,
• Բանկերի և ֆինանսական ոլորտին վերաբերող իրավական դաշտի իմացություն,
• Հայկական ծրագրերի իմացությունը ցանկալի է,
• Տվյալների հավաքագրման և վերլուծության, տեղեկատվության գնահատման, պատճառահետևանքային կապերի բացահայտման հմտություններ,
• Բանակցություններ վարելու և խնդիրներ լուծելու բարձր վարպետություն,
• Թիմում աշխատելու հմտություններ,
• Հաճախորդների, գործընկերների և արտաքին այլ սուբյեկտների հետ ներդաշնակ հարաբերությունների ստեղծում և պահպանում, ինչպես նաև պրոֆեսիոնալ թիմային միջավայրում արդյունավետ աշխատելու ունակություն,
• Գործուղումներ մեկնելու պատրաստակամություն և հնարավորություն:

ԴԻՄԵԼՈՒ ԿԱՐԳԸ`

Եթե հետաքրքրված եք տվյալ աշխատանքով, և Ձեր տվյալները համապատասխանում են թափուր աշխատատեղի պահանջներին, խնդրում ենք ուղարկել Ձեր ինքնակենսագրականը (ռեզյումեն) hr@finca.am հասցեին՝ վերնագրում նշելով «Աուդիտոր – Անուն, ազգանուն»:

Միայն ընտրության նախնական փուլն անցած թեկնածուները կհրավիրվեն հարցազրույցի։