Մարդկային ռեսուրսների մասնագետ (Աշխատակազմի հավաքագրող)

Աշխատանքի նկարագրություն

ՖԻՆՔԱ Հայաստանը փնտրում է Մարդկային ռեսուրսների մասնագետ (այդ թվում՝ առաջատար կամ գլխավոր), ով պատասխանատու է անձնակազմի հավաքագրման և ադապտացման (onboarding) գործընթացի կազմակերպման, աշխատակիցների կատարողականի գնահատման, ինչպես նաև, ըստ անհրաժեշտության, ՄՌԿ վարչության գործառնական թիմի կողմից իրականացվող աշխատանքների աջակցության համար։

Հիմնական պարտականությունները

• Անձնակազմի հավաքագրման և ադապտացման գործընթացների իրականացում, այդ թվում՝ ներքին և արտաքին մրցույթների կազմակերպում, աշխատանքի հայտարարությունների մշակում և տեղադրում, հարցազրույցների իրականացում, ադապտացման (onboarding) գործընթացի կազմակերպում,
• Հավաքագրման առկա և նոր աղբյուրների ու մեթոդների վերլուծություն, առավել արդյունավետ տարբերակների ընտրություն և կիրառում,
• Հավաքագրման և հեդհանթինգային կազմակերպությունների, առցանց մասնագիտացված հարթակների հետ համագործակցության ապահովում,
• Համագործակցություն բուհերի հետ պրակտիկայի/ստաժավորման ծրագրերի իրականացման նպատակով,
• Թեկնածուների հետ արդյունավետ հարաբերությունների կառուցում, գործատուի բրենդի ճանաչելիության խթանում,
• Աշխատակիցների կատարողականի գնահատման և վերանայման գործընթացի կազմակերպում, արդյունքների հավաքագրում և վերլուծություն,
• Մասնակցություն տաղանդների կառավարման և այլ ՄՌԿ նախագծերի/հետազոտությունների իրականացմանը,
• Մարդկային ռեսուրսների կառավարմանն առնչվող ընթացակարգերի, աշխատանքային նկարագրերի և այլ անհրաժեշտ փաստաթղթերի մշակում և/կամ վերանայում, ինչպես նաև անհրաժեշտ հաշվետվությունների կազմում և վերլուծությունների իրականացում,
• Ըստ անհրաժեշտության, աջակցություն ՄՌԿ գործառնական թիմի կողմից իրականացվող աշխատանքներին։

Հիմնական պահանջները

• Բարձրագույն կրթություն,
• Նշված ոլորտում առնվազն 1 տարվա աշխատանքային փորձ,
• Հայերենի գերազանց, անգլերենի և ռուսերենի լավ իմացություն,
• Հավաքագրման հարթակների, աղբյուրների և մեթոդների իմացություն,
• Բարձր մոտիվացիա և նախաձեռնողականություն, ինքնուրույն աշխատելու կարողություն,
• Աշխատանքային գործընթացների օպտիմալացման և ստեղծագործ լուծումներ առաջարկելու կարողություն,
• Ժամանակի կառավարման գերազանց հմտություններ և սեղմ ժամկետներում աշխատելու ունակություն,
• Շփման, թիմային աշխատանքի և բանակցելու գերազանց հմտություններ,
• Համակարգչային հմտություններ (MS Office), ArmSoft ծրագրի իմացությունն առավելություն է,
• Առցանց հանդիպումների հարթակների իմացությունը կդիտվի որպես առավելություն:

Արտոնությունների փաթեթ

• Մրցակցային աշխատավարձ
• Տարեկան բոնուսներ (կախված է կազմակերպության կատարողականից)
• Վճարովի հավելյալ ոչ աշխատանքային օրեր
• Բժշկական ապահովագրություն
• Պարգևատրումներ ամուսնության և երեխայի ծննդյան կապակցությամբ
• Դասընթացներ
• Կորպորատիվ միջոցառումներ
• Միջազգային կազմակերպությունում աճելու և զարգանալու հնարավորություն

Դիմելու կարգը

Եթե Ձեր տվյալները համապատասխանում են թափուր աշխատատեղի պահանջներին, խնդրում ենք լրացնել ստորև դիմումը՝ կցելով Ձեր ինքնակենսագրականը (ռեզյումեն):