Մարդկային ռեսուրսների մասնագետ/Մարդկային ռեսուրսների ադմինիստրատոր

Աշխատանքի նկարագրություն

ՖԻՆՔԱ Հայաստանը փնտրում է Մարդկային ռեսուրսների մասնագետ/Մարդկային ռեսուրսների ադմինիստրատոր, ով պատասխանատու կլինի անձնակազմի տեղաշարժերի հետ կապված փաստաթղթային ձևակերպումների և գործընթացների կանոնակարգման և բարելավման, աշխատակիցների վարձատրության և պարգևատրման համակարգերի կարգավորման, հաշվետվությունների ներկայացման, աշխատակիցների կատարողականի գնահատման գործընթացների իրականացման, աշխատակիցներին անհրաժեշտ տեղեկատվության և խորհրդատվության տրամադրման համար։

Հիմնական պարտականությունները

• Մշակել և վերանայել մարդկային ռեսուրսների կառավարմանն առնչվող ընթացակարգերը, կարգերը, հրամանները, աշխատանքային պայմանագրերը, համաձայնագրերը, աշխատանքային նկարագրերը և այլ անհրաժեշտ իրավական ակտերը,
• Պատրաստել աշխատակիցներին և այլ կազմակերպություններ ներկայացվող անհրաժեշտ տեղեկանքներ,
• Վարել աշխատակիցների անձական գործերը,
• Իրականացնել աշխատակիցների բացակայություններին և գործուղումներին առնչվող ողջ գործընթացները,
• Կազմակերպել աշխատակիցների աշխատաժամանակի հաշվառման գործընթացը,
• Կազմակերպել աշխատակիցների վարկավորման գործընթացը,
• Կազմել և ներկայացնել ներքին և արտաքին հաշվետվություններ, վերլուծել ՄՌԿ առնչվող տվյալներ,
• Իրականացնել ելքային հարցազրույցներ,
• Իրականացնել աշխատակիցների կատարողականի գնահատման գործընթացը,
• Ըստ անհրաժեշտության մասնակցել ՄՌԿ վարչության կողմից իրականացվող տարբեր նախագծերին և այլ գործընթացներին։

Հիմնական պահանջները

• Բարձրագույն կրթություն,
• Առնվազն 1 տարվա աշխատանքային փորձ
• Հայերենի գերազանց, անգլերենի և ռուսերենի լավ իմացություն,
• Բարձր մոտիվացիա և նախաձեռնողականություն, ինքնուրույն աշխատելու կարողություն,
• Աշխատանքային գործընթացների օպտիմալացման և ստեղծագործ լուծումներ առաջարկելու կարողություն,
• Ժամանակի կառավարման գերազանց հմտություններ և սեղմ ժամկետներում աշխատելու ունակություն,
• Շփման, թիմային աշխատանքի և բանակցելու գերազանց հմտություններ,
• Համակարգչային հմտություններ (MS Office), ArmSoft ծրագրի իմացություն:

Արտոնությունների փաթեթ

• Մրցակցային աշխատավարձ
• Տարեկան բոնուսներ (կախված է կազմակերպության կատարողականից)
• Վճարովի հավելյալ ոչ աշխատանքային օրեր
• Բժշկական ապահովագրություն
• Պարգևատրումներ ամուսնության և երեխայի ծննդյան կապակցությամբ
• Դասընթացներ
• Կորպորատիվ միջոցառումներ
• Միջազգային կազմակերպությունում աճելու և զարգանալու հնարավորություն

Դիմելու կարգը

Եթե Ձեր տվյալները համապատասխանում են ներկայացված պահանջներին, ապա կարող եք դիմել թափուր հաստիքի համար այստեղ: