Դուրսգրված վարկերի հավաքագրումների մասնագետ

ԱՇԽԱՏԱՆՔԻ ԸՆԴՀԱՆՈՒՐ ՆԿԱՐԱԳԻՐԸ՝

Դուրսգրված վարկերի հավաքագրումների մասնագետը պատասխանատու է դուրսգրված վարկերի հավաքագրման գործընթացի համար: Մասնագետը հեռախոսազանգեր է կատարում վարկառուներին, երաշխավորներին, գրավատուներին և փոխկապակցված անձանց, տրամադրում է անհրաժեշտ տեղեկատվություն, համաձայն գործող ընթացակարգի` զանգահարում է հաճախորդներին՝ պարզելու համար հաճախորդների ֆինանսական խնդիրների պատճառները, ընթացիկ ֆինանսական վիճակը և հետագա համագործակցության հնարավորությունները՝ կապված ժամկետանց պարտավորության մարման հետ:

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐԸ՝

• Համակարգել դուրս գրված վարկերի հեռահար հավաքագրման աշխատանքներըզանգեր կատարելու, իսկ անհրաժեշտության դեպքում Գլխամասային գրասենյակում հաճախորդի խնդիրը հասկանալու նպատակով հանդիպումներ կազմակերպելու միջոցով,
• Լսել հաճախորդներին և փորձել հասկանալ նրանց խնդիրները/առարկությունները` փորձելով արդյունավետ բանակցությունների միջոցով հաճախորդներից վճարման վերաբերյալ խոստումստանալ,
• Ապահովել խնդրահարույց վարկեր ունեցող հաճախորդների, երաշխավորների և փոխկապակցված անձանց հետ հաղորդակցությունը պարտքի վճարման վերաբերյալ,
• Ստանալ և տրամադրել տեղեկատվություն խնդրահարույց վարկեր ունեցող հաճախորդների ֆինանսական վիճակի վերաբերյալ,
• Ըստ ղեկավարի պահանջի և գործող ընթացակարգերի՝կազմել համապատասխան հաշվետվություններ,
• Անհրաժեշտության դեպքում մասնակցել համապատասխան տարածաշրջանի պարտքերի կառավարման կոմիտեներին,
• Իրականացնել նաև հիմնական պարտականությունների հետ փոխկապված և ղեկավարների կողմից տրված օրենքով և այլ օրենսդրական ակտերով նախատեսված կամ չարգելված այլ հանձնարարականներ:

ՀԻՄՆԱԿԱՆ ՊԱՀԱՆՋՆԵՐԸ`

• Բարձրագույն կրթություն,
• Առնվազն մեկ տարվա աշխատանքային փորձ հաճախորդների սպասարկման ոլորտում,
• Զանգերի կենտրոնի մասնագետի կամ վարկային մասնագետի փորձն ցանկալի է,
• Համակարգչային ծրագրերի լավ իմացություն (MS Office (Excel, Word, Outlook), AS-Bank 4-ի իմացությունը ցանկալի է,
• Հայերենի գերազանց իմացություն, ռուսերենի և անգլերենի իմացությունը ցանկալի է,
• Թիմային աշխատանքներ կատարելու հմտություն,
• Բանակցելու և հաղորդակցվելու գերազանց հմտություններ,
• Կոնֆլիկտային և բարդ իրավիճակների արդյունավետ լուծման ունակություններ,
• Սթրեսադիմացկունություն և էմոցիոնալ ինքնատիրապետում,
• Վերլուծական մտածողություն,
• Հուսալիություն և սեղմ ժամկետներում առաջադրանքներն անկախ ու ինքնուրույն կատարելու ունակություն:

ԴԻՄԵԼՈՒ ԿԱՐԳԸ`

Եթե հետաքրքրված եք տվյալ աշխատանքով, և Ձեր տվյալները համապատասխանում են թափուր աշխատատեղի պահանջներին, խնդրում ենք ուղարկել Ձեր ինքնակենսագրականը (ռեզյումեն) career@finca.am հասցեին՝ վերնագրում նշելով «Դուրսգրված վարկերի հավաքագրումների մասնագետ – Անուն, ազգանուն»:

Միայն ընտրության նախնական փուլն անցած թեկնածուները կհրավիրվեն հարցազրույցի։