Մարքեթինգի մասնագետ

ՖԻՆՔԱ Հայաստանը փնտրում է մարքեթինգի մասնագետ, ով կհամակարգի ընկերության ավանդական և թվային մարքեթինգային գործունեությունը և կաջակցի Մարքեթինգի բաժնի ղեկավարին ռազմավարությունների մշակման և իրականացման գործում:

 ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ

• Պլանավորել, կազմակերպել և վերլուծել ավանդական և թվային մարքեթինգի արշավներ, հաղորդակցության ուղղվածությամբ միջոցառումներ, համակարգել PR արշավները և գործունեությունը, պատրաստել PR նյութեր,
• Կառավարել կորպորատիվ առցանց ռեսուրսները (կայք, սոցիալական մեդիա) և թվային մեդիայի օգնությամբ ապահովել ՖԻՆՔԱ–ի և նրա ծառայությունների առաջխաղացումը,
• Համակարգել ձայնա- և տեսանյութերի, գովազդային տեքստերի և այլ մարքեթինգային նյութերի  մշակումը,
• Ապահովել ողջ մարքեթինգային գործունեության համապատասխանությունը կորպորատիվ բրենդի ռազմավարությանը, ինչպես նաև բրենդի փիլիսոփայության, ուղեցույցների ու չափանիշների ներդրումը Ընկերության գործունեության բոլոր ոլորտներում,
• Վերահսկել գովազդային BTL  (below-the-line) նյութերի տարածումը ներքին և արտաքին լրատվամիջոցների օգնությամբ, ապահովել դրանց արդիականությունը և համապատասխանությունը բրենդի ռազմավարությանը և կորպորատիվ նպատակներին,
• Իրականացնել օնլայն և օֆլայն մեդիա մոնիտորինգ և վերլուծություն, աջակցել դրա  բացահայտումների հիման վրա ռազմավարությունների ու պլանների մշակման հարցում,
• Ապահովել կորպորատիվ հաղորդակցության համապատասխանությունը ՖԻՆՔԱ–ի գործունեության նկատմամբ ներկայացվող բոլոր իրավական, կանոնադրական և այլ պահանջներին,
• Օժանդակել Մարքեթինգի բաժնի ղեկավարին մարքեթինգային ռազմավարությունների և պլանների մշակման և ներդրման գործում,
• Նոր հնարավորություններ գտնելու նպատակով հետևել շուկայի միտումներին ու զարգացումներին և Ընկերության առաջխաղացմանը նպաստելու նորարարական ուղիներ առաջարկել,
• Ըստ անհրաժեշտության կատարել այլ հարակից պարտականություններ:

 ՀԻՄՆԱԿԱՆ ՊԱՀԱՆՋՆԵՐ

• Առնվազն 1-2 տարվա համապատասխան փորձ մարքեթինգի ոլորտում, այդ թվում նաև թվային մարքեթինգի արշավների պլանավորման, կազմակերպման և վերլուծման գործում
• Բարձրագույն կրթություն մարքեթինգի, գովազդի, հասարակայնության հետ կապերի, հաղորդակցության, բիզնեսի կամ այլ հարակից ոլորտում,
• Հայերենի և անգլերենի գերազանց տիրապետում, ռուսերենի լավ տիրապետում. գերազանց գրավոր խոսքը կդիտվի որպես առավելություն,
• Թվային մարքեթինգի և վեբ վերլուծության սկզբունքների, գործիքների (Facebook Ads, Google Ads, Google Analytics) և մեթոդների իմացություն
• Ստեղծագործական աշխատանքի գործընթացի մասին խոր պատկերացում, աշխատանքային փորձը հրատարակչություններում և լրատվամիջոցներում կդիտվի որպես առավելություն,
• MS Office ծրագրի տիրապետում (MS Word, Excel, PowerPoint, Outlook). գրաֆիկական ծրագրերի իմացություն (CorelDraw, Adobe Photoshop)
• Վերլուծական և քննադատական մտածողություն, ուշադրություն մանրուքներին և ճշտապահություն,
• Ստեղծարար մտածելակերպ և նախաձեռնողականություն,
• Գերազանց միջանձնային և հաղորդակցման հմտություններ,
• Գերակայություններ սահմանելու, միաժամանակ մի քանի աշխատանք կատարելու և ինքնուրույն աշխատելու կարողություն:

ԱՐՏՈՆՈւԹՅՈւՆՆԵՐԻ ՓԱԹԵԹ

• Մրցակցային աշխատավարձ
• Բոնուսներ (կախված է կազմակերպության կատարողականից)
• Բժշկական ապահովագրություն
• Պարգևատրումներ ամուսնության և երեխայի ծննդյան կապակցությամբ
• Դասընթացներ
• Կորպորատիվ միջոցառումներ
• Միջազգային կազմակերպությունում աճելու և զարգանալու հնարավորություն

 ԴԻՄԵԼՈՒ ԿԱՐԳ

Եթե հետաքրքրված եք տվյալ աշխատանքով, և Ձեր տվյալները համապատասխանում են թափուր աշխատատեղի պահանջներին, խնդրում ենք ուղարկել Ձեր ինքնակենսագրականը (ռեզյումեն) career@finca.am հասցեին՝ վերնագրում նշելով «Մարքեթինգի մասնագետ – Անուն, ազգանուն»: