Հետդատական իրավաբանների բաժնի իրավաբան/առաջատար իրավաբան

Աշխատանքի ընդհանուր նկարագրություն

Իրավաբանական վարչության հետդատական իրավաբանների բաժնի իրավաբանն/առաջատար իրավաբանը պատասխանատու է իր պորտֆելում գտնվող գործերով պարտքի հավաքագրման համար անհրաժեշտ հետդատական գործընթացի կազմակերպման և կատարման համար։

 Հիմնական պարտականությունները

• ՀՀ ԱՆ հարկադիր կատարումն ապահովող ծառայությունում (այսուհետ նաև՝ ՀՀ ԱՆ ՀԿԱԾ), հանդես է գալիս որպես կազմակերպության ներկայացուցիչ, հաշվառում, ուսումնասիրում ստացած փաստաթղթերը, հետևում դրանցում տեղ գտած անհամապատասխանությունների, անճշտությունների շտկմանը,
• Հետևում կատարողական վարույթում գտնվող Ընկերության գործերի նկատմամբ ՀՀ ԱՆ ՀԿԱԾ մարմինների կողմից անհրաժեշտ գործողությունների իրականացմանն ու դրանց իրավաչափությանը,
• Մշակում և ներկայացնում ՀՀ ԱՆ ՀԿԱԾ մարմիններ հասցեագրվող գրությունները, հսկողություն իրականացնում սնանկության վարույթում գտնվող Ընկերության գործերի նկամամբ սնանկության կառավարիչների կողմից անհրաժեշտ գործողությունների իրականացման և դրանց իրավաչափության նկատմամբ,
• Հետևում է հարկադիր էլեկտրոնային աճուրդներին և սնանկության աճուրդներին, հաշվառում նշանակված աճուրդները,
• Ընկերության իրավունքների և օրինական շահերի պաշտպանության համար մասնակցում վարչական վարույթներին, դատական նիստերին, պետական կառավարման և տեղական ինքնակառավարման, իրավապահ մարմիններում հանդես գալիս որպես ներկայացուցիչ,
• Ժամկետանց պարտավորություններ ունեցող հաճախորդների հետ վարում բանակցություններ,
• Իրականացնում է նաև իր հիմնական պարտականությունների հետ փոխկապակցված և ղեկավարների կողմից տրված՝ օրենքով և այլ իրավական ակտերով նախատեսված կամ չարգելված այլ հանձնարարականներ:

Հիմնական պահանջները

• Բարձրագույն իրավաբանական կրթություն,
•  Առնվազն 2 տարվա համապատասխան մասնագիտական աշխատանքային փորձ,
•  Ֆինանսական կազմակերպություններում մասնագիտական աշխատանքային փորձը, փաստաբանի արտոնագրի առկայությունը կդիտվի որպես առավելություն,
•  Շփման և բանակցություններ վարելու գերազանց հմտություններ,
• Վերլուծական մտածողություն,
• Սեղմ ժամկետներում աշխատելու կարողություն,
• Գրավոր հաղորդակցության և բանակցելու գերազանց հմտություններ,
• Հայերենի գերազանց իմացություն, անգլերենի և ռուսերենի լավ իմացությունն առավելություն է,
• Մասնագիտական զարգացման և վերապատրաստման պատրաստակամություն,
• Համակարգչային գիտելիքներ (MS Office):

Արտոնությունների փաթեթ

• Մրցակցային աշխատավարձ,
• Բոնուսներ,
• Բժշկական ապահովագրություն,
• Պարգևատրումներ ամուսնության և երեխայի ծննդյան կապակցությամբ,
• Դասընթացներ
• Կորպորատիվ միջոցառումներ,
• Միջազգային կազմակերպությունում աճելու և զարգանալու հնարավորություն։

Դիմելու կարգը

Եթե Ձեր տվյալները համապատասխանում են ներկայացված պահանջներին, ապա կարող եք դիմել թափուր հաստիքի համար այստեղ: