Մեթոդոլոգիայի մասնագետ (Ծրագրերի ղեկավար)

Մեթոդոլոգիայի մասնագետը (Ծրագրերի ղեկավար) պատասխանատու է ՖԻՆՔԱ–ի աշխատանքային գործունեությունը կանոնակարգող ներքին իրավական ակտերի մշակման, վերանայման և փաստաթղթավորման գործում աջակցության տրամադրման, գործող և ներդրվող բիզնես գործընթացների արդյունավետության բարձրացման և մեթոդաբանության մշակման, ներգրավված ստորաբաժանումների հետ համապատասխան գործընթացների կոորդինացնման, ինչպես նաև ՖԻՆՔԱ–ի փաստաթղթերի կառավարման համակարգերում ներքին իրավական ակտերի էլեկտրոնային ռեգիստրի վարման համար:

Հիմնական պարտականությունները

• Աշխատել կարգերի հետ, ղեկավարի ուղղորդմամբ վերանայել ՖԻՆՔԱ-ում գործող ներքին իրավական ակտերը և տալ դրանց կատարելագործման և բարելավման վերաբերյալ արժեքավոր առաջարկներ,
• Ուսումնասիրել կարգերը` ռիսկերի բացահայտման և տարբեր փաստաթղթերի միջև հակասությունների կամ տարընթերցումների բացահայտման տեսանկյունից,
• Առաջարկել իրավական ակտերի նոր ստանդարտներ, այն է` փաստաթղթի կառուցվածք, էություն, բովանդակություն, շարադրանք, ձևավորում, տեսք և այլն,
• Կազմել ՖԻՆՔԱ-ի գործառույթները նկարագրող և կանոնակարգող փաստաթղթեր` ՖԻՆՔԱ-ում ընդունված ստանդարտների համաձայն,
• Կազմել բիզնես գործընթացների քարտեզներ (Process Maps),
• Վարել ՖԻՆՔԱ–ում գործող ներքին իրավական ակտերի ցանկ և դրանց էլեկտրոնային ռեգիստր,
• Մշտապես և ժամանակին թարմացնել ներքին իրավական ակտերը ՖԻՆՔԱ–ի փաստաթղթերի կառավարման համակարգերում,
• Տեղեկացնել անձնակազմին փաստաթղթերի կառավարման համակարգում տեղի ունեցած փոփոխությունների մասին,
• Աջակցել անձնակազմին ՖԻՆՔԱ-ում նոր բիզնես գործընթացների մեթոդաբանության մշակման, ներդրման և կիրառման գործում,
• Օժանդակել բաժնի ղեկավարին բաժնին առնչվող առօրյա աշխատանքների կազմակերպման գործում։

Հիմնական պահանջները

• Բարձրագույն կրթություն,
• Համապատասխան աշխատանքային փորձի առկայությունը ցանկալի է,
• MS Office ծրագրերի լավ իմացություն (Excel, Word, PowerPoint, Outlook),
• Հայերենի և անգլերենի գերազանց, ռուսերենի լավ իմացություն,
• Թիմային աշխատանքներ կատարելու հմտություն,
• Սթրեսադիմացկունություն և էմոցիոնալ ինքնատիրապետում,
• Վերլուծական մտածողություն,
• Հուսալիություն և սեղմ ժամկետներում առաջադրանքներն անկախ ու ինքնուրույն կատարելու ունակություն:

Արտոնությունների փաթեթ

• Մրցակցային աշխատավարձ,
• Բոնուսներ (կախված է կազմակերպության կատարողականից),
• Բժշկական ապահովագրություն,
• Պարգևատրումներ ամուսնության և երեխայի ծննդյան կապակցությամբ,
• Դասընթացներ,
• Կորպորատիվ միջոցառումներ,
• Միջազգային կազմակերպությունում աճելու և զարգանալու հնարավորություն։

Դիմելու կարգը

Եթե Ձեր տվյալները համապատասխանում են թափուր աշխատատեղի պահանջներին, խնդրում ենք լրացնել ստորև դիմումը՝ կցելով Ձեր ինքնակենսագրականը (ռեզյումեն):

Առաջատար/գլխավոր մասնագետների թեկնածությունը ևս կդիտարկվի։