«ՖԻՆՔԱ» ՈՒՎԿ ՓԲԸ–ն սկսում է 7.5% տարեկան եկամտաբերությամբ պարտատոմսերի թողարկումը
ՀՀ կենտրոնական բանկի նախագահի 2016թ. Դեկտեմբերի 30-ի Թիվ N 1/970Ա որոշմամբ գրանցվել է «ՖԻՆՔԱ» ՈՒՎԿ ՓԲԸ անվանական, ոչ փաստաթղթային, արժեկտրոնային պարտատոմսերի թողարկման ծրագրային ազդագիրը:
«ՖԻՆՔԱ» ՈՒՎԿ ՓԲԸ պարտատոմսերի անդրանիկ թողարկումը և տեղաբաշխումը տեղի կունենա սույն թվականի փետրվարի 22-ին: Պարտատոմսերը տեղաբաշխվելու են «ՆԱՍԴԱՔ ՕԷՄԷՔՍ ԱՐՄԵՆԻԱ” ֆոնդային բորսայում, իսկ որպես տեղաբաշխող հանդես է գալու ԱՐԱՐԱՏԲԱՆԿ ԲԲԸ-ն: Ընդ որում տեղաբաշխումն իրականացվելու է երաշխավորված ձևով:
Պարտատոմսերի պոտենցիալ գնորդների նկատմամբ սահմանափակումներ չկան:
Պարտատոմսերի տեղաբաշխմանը մասնակցել ցանկացողները կարող են դիմել «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ ֆոնդային բորսայի անդամ հանդիսացող ընկերություններին, որոնց ցանկն ու կոնտակտային տվյալները ներկայացված են http://nasdaqomx.am/am/members.htm ինտերնետային հասցեում:
Լրացուցիչ տեղեկությունների համար կարող եք դիմել ԱՐԱՐԱՏԲԱՆԿ ԲԲԸ հետևյալ հեռախոսահամարներով՝ (+374 10) 59-23-23 կամ «ՖԻՆՔԱ» ՈՒՎԿ ՓԲԸ հետևյալ հեռախոսահամարով՝ (+374 10) 54 55 31, (+374 10) 54 55 32:
Ազդագրի էլեկտրոնային տարբերակը կարելի է բեռնել ստորև ներկայացված հղմամբ, իսկ թղթային տարբերակը կարող եք ձեռք բերել` այցելելով «ՖԻՆՔԱ» ՈՒՎԿ ՓԲԸ գլխամասային գրասենյակ ք.Երևան, Ագաթանգեղոսի փող., շենք 2ա հասցեով:
Թողարկման վերջնական պայմաններին կարող եք ծանոթանալ հետևյալ հղմամբ.
ՊԱՐՏԱՏՈՄՍԵՐԻ ՎԵՐՋՆԱԿԱՆ ՊԱՅՄԱՆՆԵՐԸ »
Պարտատոմսերի էական պայմանները
| ԴԱՍԸ | Անվանական արժեկտրոնային |
| ԱՆՎԱՆԱԿԱՆ ԱՐԺԵՔԸ | 25 ԱՄՆ դոլար |
| ԸՆԴՀԱՆՈՒՐ ԾԱՎԱԼԸ | 4,000,000 ԱՄՆ դոլար |
| ՔԱՆԱԿԸ | 160,000 հատ |
| ՇՐՋԱՆԱՌՈՒԹՅԱՆ ԺԱՄԿԵՏԸ | 24 ամիս |
| ԱՐԺԵԿՏՐՈՆԱՅԻՆ ՏՈԿՈՍԱԴՐՈՒՅՔԸ | 7.5% |
| ԱՐԺԵԿՏՐՈՆՆԵՐԻ ՎՃԱՐՄԱՆ ՊԱՐԲԵՐԱԿԱՆՈՒԹՅՈՒՆԸ | կիսամյակային |
| ՏԵՂԱԲԱՇԽՈՂԸ | ԱՐԱՐԱՏԲԱՆԿ ԲԲԸ |
«ՖԻՆՔԱ» ՈՒՎԿ ՓԲԸ Հայաստանը փոքր և միջին բիզնեսներին միկրոֆինանսավորման միջոցով աջակցելու ծրագրի շրջանակներում շարունակում է պայքարել աղքատության դեմ և կայուն զարգացում ապահովել Հայաստանի ցածր եկամուտ ունեցող ձեռնարկատերերի համար: Դեռ ավելին, որպես պատասխանատու վարկատու` ՖԻՆՔԱ-ն տիրապետում է միկրոֆինանսավորմանն առնչվող բնապահպանական և սոցիալական ռիսկերի կառավարման համար անհրաժեշտ բոլոր գործիքներին: Միաժամանակ «ՖԻՆՔԱ» ՈՒՎԿ ՓԲԸ-ն մշտապես խթանում է նաև հաճախորդների պաշտպանության միջազգային ստանդարտները և ֆինանսական կրթությունը` կրթական արշավների միջոցով: Պարտատոմսերի տեղաբաշխման արդյունքում գոյացած միջոցները ուղղվելու են Հայաստանի փոքր և միջին բիզնեսների զարգացմանը: