ՀՀ կենտրոնական բանկի նախագահի 2021թ. դեկտեմբերի 29-ի թիվ 1/664Ա որոշմամբ գրանցված «ՖԻՆՔԱ» ՈՒՎԿ ՓԲԸ անվանական արժեկտրոնային պարտատոմսերի ծրագրային ազդագրի հիման վրա «ՖԻՆՔԱ» ՈՒՎԿ ՓԲԸ-ն 2022թ. ապրիլի 20-ին իրականացնելու է անվանական արժեկտրոնային դրամային և դոլարային պարտատոմսերի թողարկում և տեղաբաշխում:
Որպես պարտատոմսերի տեղաբաշխող հանդես է գալու ԱՐԱՐԱՏԲԱՆԿ ԲԲԸ-ն։ Պարտատոմսերի տեղաբաշխումն իրականացվելու է «Հայաստանի ֆոնդային բորսա» ԲԲԸ տեղաբաշխման համակարգով։ Պարտատոմսերի տեղաբաշխման աճուրդին անմիջապես կարող են մասնակցել միայն Բորսայի անդամները, որոնց ցանկը հասանելի է «Հայաստանի ֆոնդային բորսա» ԲԲԸ պաշտոնական կայքում:
Բորսայի անդամ չհանդիսացող ներդրողները կարող են աճուրդին մասնակցել (օգտվել առաջարկից) Բորսայի անդամների միջոցով` վերջիններիս կողմից սահմանված կարգով և պայմաններով:
Ներդրողների նկատմամբ որևէ սահմանափակում առկա չէ։ Պարտատոմսերը կարող են ձեռք բերել ինչպես ֆիզիկական, այնպես էլ իրավաբանական անձիք։
| Թողարկվող դրամային պարտատոմսերի էական պայմանները. | |
|---|---|
| Դասը | Անվանական արժեկտրոնային |
| Անվանական արժեքը | 10 000 ՀՀ դրամ |
| Ընդհանուր ծավալը | 300 000 000 ՀՀ դրամ |
| Քանակը | 30 000 հատ |
| Շրջանառության ժամկետը | 24 ամիս |
| Արժեկտրոնային տոկոսադրույքը | 12,5% |
| Արժեկտրոնների վճարման պարբերականությունը | կիսամյակային |
| Տեղաբաշխող | ԱՐԱՐԱՏԲԱՆԿ ԲԲԸ |
| Թողարկվող դոլարային պարտատոմսերի էական պայմանները. | |
|---|---|
| Դասը | Անվանական արժեկտրոնային |
| Անվանական արժեքը | 25 ԱՄՆ դոլար |
| Ընդհանուր ծավալը | 1 400 000 ԱՄՆ դոլար |
| Քանակը | 56 000 հատ |
| Շրջանառության ժամկետը | 24 ամիս |
| Արժեկտրոնային տոկոսադրույքը | 6,5% |
| Արժեկտրոնների վճարման պարբերականությունը | կիսամյակային |
| Տեղաբաշխող | ԱՐԱՐԱՏԲԱՆԿ ԲԲԸ |
«ՖԻՆՔԱ» ՈՒՎԿ ՓԲԸ-ի պարտատոմսերի արժեկտրոնային եկամուտների վճարումը և պարտատոմսերի մարումը կիրականացվի հետևյալ ժամանակացույցով.
| Առաջին վճարում | 20.10.2022թ. |
| Երկրորդ վճարում | 20.04.2023թ. |
| Երրորդ վճարում | 20.10.2023թ. |
| Չորրորդ վճարում և պարտատոմսերի մարման գումարի վճարում | 10.02.2024թ. |
Այն դեպքում, երբ արժեկտրոնային եկամուտների և/կամ մարման գումարի վճարման օրը համընկնում է ոչ աշխատանքային օրվա հետ, վճարումը կատարվում է հաջորդ աշխատանքային օրը:
Ծրագրային ազդագրին և թողարկման վերջնական պայմաններին կարող եք ծանոթանալ հետևյալ հղումներով.
Պարտատոմսերի ծրագրային ազդագիր
Թողարկման վերջնական պայմանները