ՀՀ կենտրոնական բանկի նախագահի 2019թ. ապրիլի 19-ի թիվ 1/234Ա որոշմամբ գրանցված «ՖԻՆՔԱ» ՈՒՎԿ ՓԲԸ անվանական արժեկտրոնային պարտատոմսերի ծրագրային ազդագրի հիման վրա (ՀՀ կենտրոնական բանկի նախագահի 28.08.2019թ․ 1/648Ա որոշմամբ գրանցվել է Ազդագրի լրացում) «ՖԻՆՔԱ» ՈՒՎԿ ՓԲԸ-ն նախատեսում է 2019թ. սեպտեմբերի 24-ին իրականացնել անվանական արժեկտրոնային դրամային պարտատոմսերի թողարկում և տեղաբաշխում:
Որպես պարտատոմսերի երաշխավորված տեղաբաշխող հանդես է գալու «ԱՐԱՐԱՏԲԱՆԿ» ԲԲԸ-ն։ Պարտատոմսերի տեղաբաշխումն իրականացվելու է «Հայաստանի ֆոնդային բորսա» ԲԲԸ տեղաբաշխման համակարգով, ընդ որում՝ 1 350 000 000 (մեկ միլիարդ երեք հարյուր հիսուն միլիոն) ՀՀ դրամ ընդհանուր ծավալով 135 000 (մեկ հարյուր երեսունհինգ հազար) հատ պարտատոմսերի թողարկումը և տեղաբաշխումն իրականացվելու է ստանդարտ փակ աճուրդի անցկացման միջոցով` բացառելով ոչ մրցակցային, ինչպես նաև լրիվ բավարարմամբ հայտերի ներկայացումը: Մնացած 150 000 000 (մեկ հարյուր հիսուն միլիոն) ՀՀ դրամ ընդհանուր ծավալով, 15 000 (տասնհինգ հազար) հատ պարտատոմսերը ձեռք է բերվելու «ԱՐԱՐԱՏԲԱՆԿ» ԲԲԸ կողմից անվանական արժեքով՝ որպես շուկա ստեղծող՝ երկրորդային շուկայում պարտատոմսերի իրացվելիության և ներդրումային գրավչության բարձրացման նպատակով։ Հայտերի բավարարման կտրման նվազագույն գինը սահմանվում է 10,000 (տասը հազար) ՀՀ դրամ, որից ցածր գնով ներկայացված հայտերը չեն բավարարվելու:
Պարտատոմսերի տեղաբաշխման աճուրդին անմիջապես կարող են մասնակցել միայն Բորսայի անդամները, որոնց ցանկը հասանելի է «Հայաստանի ֆոնդային բորսա» ԲԲԸ պաշտոնական կայքում:
Բորսայի անդամ չհանդիսացող ներդրողները կարող են աճուրդին մասնակցել (օգտվել առաջարկից) Բորսայի անդամների միջոցով` վերջիններիս կողմից սահմանված կարգով և պայմաններով:
Պարտատոմսերի էական պայմանները.
Դասը | Անվանական արժեկտրոնային |
Անվանական արժեքը | 10 000 ՀՀ դրամ |
Ընդհանուր ծավալը | 1 500 000 000 ՀՀ դրամ |
Քանակը | 150 000 |
Շրջանառության ժամկետը | 36 ամիս |
Արժեկտրոնային տոկոսադրույքը | 10,5% |
Արժեկտրոնների վճարման պարբերականությունը | Կիսամյակային |
Տեղաբաշխողը | «ԱՐԱՐԱՏԲԱՆԿ» ԲԲԸ |
Ծանուցում․
«ՖԻՆՔԱ» ՈՒՎԿ ՓԲԸ-ի պարտատոմսերի արժեկտրոնային եկամուտների վճարումը և պարտատոմսերի մարումը կիրականացվի հետևյալ ժամանակացույցով.
Արժեկտրոնային եկամուտների առաջին վճարում | 24.03.2020թ. |
Արժեկտրոնային եկամուտների երկրորդ վճարում | 24.09.2020թ. |
Արժեկտրոնային եկամուտների երրորդ վճարում | 24.03.2021թ. |
Արժեկտրոնային եկամուտների չորրորդ վճարում | 24.09.2021թ. |
Արժեկտրոնային եկամուտների հինգերորդ վճարում | 24.03.2022թ. |
Արժեկտրոնային եկամուտների վեցերորդ վճարում և պարտատոմսերի մարման գումարի վճարում | 24.09.2022թ. |
Այն դեպքում, երբ արժեկտրոնային եկամուտների և/կամ մարման գումարի վճարման օրը համընկնում է ոչ աշխատանքային օրվա հետ, վճարումը կատարվում է հաջորդ աշխատանքային օրը:
Ծրագրային ազդագրին և թողարկման վերջնական պայմաններին կարող եք ծանոթանալ հետևյալ հղումներով.
Պարտատոմսերի թողարկման ազդագիր 2019