Ավելի արագ և հարմարավետ վարկավորում նորարարական լուծումների կիրառմամբ

2019-05-22T11:59:40+04:00 21 Մայիս, 2019||

Մենք գալիս ենք Ձեր համայնքՖԻՆՔԱ ՈւՎԿ-ն գործարկել է նոր՝ պլանշետով վարկավորման մեթոդ, որի շնորհիվ վարկավորման գործընթացն այժմ զգալիորեն ավելի արագ է և հարմարավետ:

Իր գործունեության ողջ ընթացքում ՖԻՆՔԱ-ն ոչ միայն պատասխանատու ֆինանսավորման միջոցով օգնել է հաճախորդներին իրականացնել իրենց նպատակներն ու բարելավել կյանքը, այլ նաև ձգտել է ապահովել առավելագույն հարմարություն ու դրական փորձառություն: Մենք գիտակցում ենք, որ չնայած մասնաճյուղերի լայն ցանցին, մեր հաճախորդների մի մասի համար մասնաճյուղ այցելելը կարող է դժվար լինել: Միևնույն ժամանակ, շատերի համար անհարմարություն կարող է ներկայացնել վարկի հաստատմանը սպասելը: Հաճախորդներին էլ ավելի լավ փորձառություն ապահովելու նպատակով ՖԻՆՔԱ-ն դիմել է ժամանակակից տեխնոլոգիաների և նորարարական լուծումների օգնությանը, որոնց շնորհիվ վարկավորման գործընթացն այժմ ավելի արագ է և հարմարավետ:

Պլանշետով վարկավորման համար վարկային մասնագետն ինքն է այցելում հաճախորդին հարմար վայր, լրացնում դիմումի հայտը, լուսանկարում և վերբեռնում է անհրաժեշտ փաստաթղթերը և տեղում՝ ընդամենը 15 րոպեում տրամադրում դիմումի պատասխանը: Վարկի հաստատման դեպքում հաճախորդին մնում է միայն ստանալ գումարը ՖԻՆՔԱ-ի մոտակա մասնաճյուղից:

Պլանշետով վարկավորումը հասանելի է հանրապետության ողջ տարածքում: Այն միտված է պարզեցնելու վարկավորման գործընթացն ու բարելավելու ֆինանսական ծառայությանունների հասանելիությունը հատկապես հեռավոր բնակավայրերում:

Հետաքրքրության դեպքում անհրաժեշտ է պարզապես զանգահարել ՖԻՆՔԱ 012 55 55 55 հեռախոսահամարով, և կարճ ժամանակ անց վարկային մասնագետը կայցելի Ձեզ:

ՖԻՆՔԱ. մենք գալիս ենք Ձեր համայնք:

+374 (012) 55-55-55