• ՀՀ ռեզիդենտ հանդիսացող այն իրավաբանական անձինք և անհատ ձեռնարկատերերը (այսուհետ Ա/Ձ), որոնք համապատասխանում են «ՓՄՁ պետական աջակցման մասին» ՀՀ օրենքով սահմանված «ՓՄՁ սուբյեկտներ»-ի համար սահմանված առավելագույն սահմանաչափերին:
• ՀՀ ռեզիդենտ հանդիսացող այն ֆիզիկական անձինք, ովքեր զբաղվում են ՀՀ օրենսդրությանը համապատասխան գյուղատնտեսական գործունեությամբ։
• Ա/Ձ-ի կամ ֆիզիկական անձի դեպքում տարիքը՝ 21 և ավելի: Ընդ որում՝ դիմելու պահին տարիքի և ակնկալվող վարկի ժամկետի գումարը չպետք է գերազանցի 70‑ը վարկի ամբողջ ժամկետի ընթացքում (եթե այլ պահանջ սահմանված չէ Վարկային Կոմիտեի կողմից)։ Սույն պահանջը կիրառելի է նաև երաշխավորների համար։
• Բնակություն և առնվազն 6ամսվա անընդմեջ բիզնես և/կամ գյուղատնտեսական գործունեություն ՖԻՆՔԱ‑ի սպասարկման տարածքում:
• Համապատասխանություն ՖԻՆՔԱ‑ի սոցիալական և բնապահպանական ստանդարտներին:
• Վարկառուն պիտի գործի իր անունից և իր օգտին. արգելվում է վարկ վերցնել հօգուտ երրորդ անձի:
• Վարկը կարող է տրամադրվել մեկից ավելի վարկառուների (համավարկառու), որի դեպքում վարկառուի նկատմամբ սահմանված պահանջները տարածվում են նաև համավարկառուի նկատմամբ:

• Մեկ երաշխավոր⁵ և գույքի գրավ, ընդ որում՝
  • անշարժ գույքի դեպքում վարկ/գրավ առավելագույն հարաբերակցությունը՝ գնահատված արժեքի մինչև 80%
  • տրանսպորտային միջոցի դեպքում վարկ/գրավ առավելագույն հարաբերակցությունը՝ գնահատված արժեքի մինչև 60%
  • գյուղատնտեսական տեխնիկայի դեպքում վարկ/գրավ առավելագույն հարաբերակցությունը՝ գնահատված արժեքի մինչև 70%
  • շրջանառու միջոցներ հանդիսացող ապրանքանյութական պաշարների գնահատված արժեքի մինչև 50%
  • այլ գրավներ՝ գնահատված արժեքի մինչև 50%-ի չափով:

Եթե վարկի գումարը գերազանցում է 5,0 մլն․ ՀՀ դրամը կամ 15,000 ԱՄՆ դոլարը, ապա վարկը վաղաժամկետ ամբողջական մարելու դեպքում Վարկառուն վճարում է վճարման օրվա դրությամբ վճարման ենթակա վարկի սպասարկման և այլ վճարները, հաշվեգրված տոկոսները, վարկը, ինչպես նաև վարկի մնացորդի 2%-ի չափով վաղաժամկետ մարման վճար` որպես Վարկատուի չստացած սպասվելիք եկամուտների մասնակի հատուցում, եթե այլ գրավոր որոշում չի կայացվել ՖԻՆՔԱ-ի կողմից: Տվյալ դեպքում վաղաժամկետ մարման վճարի հաշվարկը կատարելիս վարկի մնացորդի մեջ չի ներառվում վարկի մարման ժամանակացույցով սահմանված առաջիկա մարման ենթակա մայր գումարի չափը:

ՖԻՆՔԱ-ի կողմից վարկառուի վարկավորման դեպքում ընթացիկ վարկի վաղաժամկետ ամբողջական մարման պարագայում վարկառուն վճարում է վճարման օրվա դրությամբ վճարման ենթակա սպասարկման և այլ վճարները, հաշվարկված տոկոսները և վարկի մնացորդը:

Վաղաժամկետ մասնակի մարման պարագայում գանձվում է վարկի մարման ժամանակացույցով սահմանված առաջիկա մարման ենթակա ամբողջ գումարը, իսկ եթե կատարվող վճարումը գերազանցում է առաջիկա մարմանը ենթակա գումարի չափը, ապա այդ գերազանցող մասն ուղղվում է վարկի մարմանը, ընդ որում` գանձվում է նաև գերազանցող մասի 2%-ի չափով վաղաժամկետ մարման վճար` որպես ՖԻՆՔԱ-ի չստացած սպասվելիք եկամուտների մասնակի հատուցում, եթե այլ գրավոր որոշում չի կայացվել ՖԻՆՔԱ-ի կողմից:

Այն դեպքում, երբ գումարը չի բավարարում մարել առաջիկա մարման ամսաթվի բոլոր պարտքերը, ապա մարումը կատարվում է հետևյալ հերթականությամբ՝ 1. Սպասարկման և այլ վճարներ, 2. Տոկոսներ, 3. Վարկ

Վաղաժամկետ մասնակի մարում կատարելու դեպքում վարկառուն իր ցանկությամբ կարող է վճարել մարման ժամանակացույցով սահմանված ապագա ամիսների գումարները: Տվյալ դեպքում կգանձվեն ապագա ամիսների սպասարկման և այլ վճարները, վճարման օրվա դրությամբ հաշվարկված տոկոսները, վարկի մնացորդային գումարի հանդեպ հաշվարկվող ապագա ամիսների տոկոսները, ապագա ամիսներին վճարվելիք վարկը, ինչպես նաև ապագա ամիսների համար վճարվող վարկի 2%-ի չափով վաղաժամկետ մարման վճար` որպես ՖԻՆՔԱ-ի չստացած սպասվելիք եկամուտների մասնակի հատուցում, եթե այլ գրավոր որոշում չի կայացվել ՖԻՆՔԱ-ի կողմից: Տվյալ դեպքում ապագա ամիսների համար վճարվող վարկի մեջ չի ներառվում վարկի մարման ժամանակացույցով սահմանված առաջիկա մարման ենթակա մայր գումարի չափը:

Վարկառուն հետագա ամիսների համար կատարված մարումների չափով ազատվում է մարման ժամանակացույցով նախատեսված օրերին վճարումներ կատարելուց:

1. Սպասարկման վճար՝ ամենամսյա սպասարկման վճար, որը հաշվարկվում է վարկի մայր գումարի նկատմամբ: Սպասարկման վճարի չափը սահմանվում է Վարկային կոմիտեի կողմից՝ ելնելով հաճախորդի վճարունակությունից, վարկային պատմությունից, ապահովման միջոցից և այլ գործոններից
2. Մարման ճկուն գրաֆիկ՝ գրաֆիկ, որի դեպքում մայր գումարի վճարման չափն ամեն ամիս կարող է տարբեր լինել:
3. Արտոնյալ ժամանակաշրջան՝ ժամանակահատված, որի ընթացքում չի կատարվում վարկի տոկոսագումարների (այլ վճարների) և մայր գումարի վճարում կամ կատարվում է միայն տոկոսագումարների (այլ վճարների) վճարում: Արտոնյալ մարում՝ միայն տոկոսագումարից և սպասարկման վճարից (առկայության դեպքում) կազմված մարում:

Գյուղատնտեսական վարկերի համար, կոմիտեի որոշմամբ կարող են սահմանվել արտոնյալ մարումների այլ պայմաններ:

4. Տրանշ՝ հաստատվում է ընդհանուր վարկ մեկ վարկային պայմանագիր կնքելով, սակայն տրամադրումը կատարվում է մասնակի, յուրաքանչյուր տրանշի համար նախօրոք հաստատված պայմանների կատարումից հետո: Տրանշի չափը կարող է պակաս լինել սույն վարկատեսակի համար սահմանված վարկի նվազագույն Գումարի չափից։

Տրանշերով վարկի հաստատման դեպքում գրավի պայմանագիրը կարող է կնքվել վարկի ամբողջ գումարի չափով, կամ յուրաքանչյուր տրանշի համար առանձին:  Ցանկացած տրանշի վերջին մուծման օրը չի կարող ավելի ուշ լինել  նախօրոք հաստատված վարկի ժամկետից: Առաջին և վերջին տրանշի միջև տրամադրման առավելագույն ժամկետը – 6 ամիս:

5. Ֆիզիկական անձի երաշխավորը կարող է լինել ներքին՝ ընտանիքի անդամ, և արտաքին՝ այլ անձ: Եթե կա միայն արտաքին երաշխավոր՝ վարկառուի ընտանիքի անդամը՝ ամուսնացած լինելու դեպքում՝ կինը/ամուսինը, գրանցվում է որպես փոխկապակցված անձ: Ֆինանսական երաշխավորը պետք է ունենա վարկի գումարի հետ համադրելի եկամուտ կամ լիկվիդային գույք: Իրավաբանական անձանց վարկավորման դեպքում` ավելի քան 10%  մասնաբաժին ունեցող հիմնադիրների երաշխավորությունը պարտադիր է: